Շնորհավոր ՀԱՅՈՑ ԲԱՆԱԿ

 

 

 

 

 

Հայերիս բնօրրանը` Հայկական բարձրավանդակը և նրա հարակից տարածքները, միշտ եղել են ոչ միայն մեր թշնամիների, այլև աշխարհի գերտերությունների շահերի համար տիրելու թիրախ: Այդ պատճառով էլ հայ ազգը  մշտապես բանակ ունենալու անհրաժեշտություն է զգացել: Ցավոք` միշտ չէ, որ նա ունեցել է իր զինված ուժերը: Տևական ժամանակ հայոց պետականության չգոյության պայմաններում, հայոց զինվորականությունը ստիպված  ծառայել է oտար երկրների զինված ուժերի շարքերում: Մենք դարեր շարունակ զրկված լինելով  սեփական բանակ ունենալու հնարավորությունից,  կորցրել ենք մեր բնականոն զարգացումը ապահովող` մեզ պատկանող մեր կենսական նշանակության հողերից և ենթարկվել ցեղասպանության:

 

 

 

Մենք գիտենք մեր կորուստները…

 

Շուրջ 450 հազար քառակուսի կիլոմետր ՀԱՅՐԵՆԻ ՀՈՂԻՑ, այսօր հայ ազգը իր ինքնությունը պահպանում է ընդամենը 42

հազար քառակուսի կիլոմետր ՀԱՅՐԵՆԻ ՍՈՒՐԲ ՀՈՂԻ վրա: 

 

 

 

 

Արդի հայկական պետականության վերականգման արշալույսին` Արցախյան հերոսամարտին զուգընթաց, հայոց բանակի ստեղծման բարդ ու դժվարին,   միևնույն ժամանակ կազմակերպված կարևոր գործընթացն ի շնորհիվ մեր ռազմական և քաղաքական գործիչների հեռատեսության, մեր ազգի զինվորների անգին կյանքերի և արյամբ` ստեղծվեց Հայոց մարտունակ բանակը:

 

Մեր արդի բանակը, որպես պետական կայացած ինստիտուտ, իր կարևոր քննությունը լավագույնս հանձնեց 2016 թվականի ապրիլյան պատերազմի ժամանակ:

 

 

 

 

 

Հայո՛ց բանակ, աշխարհը գիտի քո հնամենի ուժի մասին:

Դու քո փառունակ  ուժը ի ցույց ես դրել դեռ Գավգամելայի դաշտավայրում:

Հայո՛ց բանակ, մեր դարավոր անկումից հետո դու առաջին անգամ զիջելու փոխարեն թշնամուց հետ վերադարձրեցիր մեր հայկական հողը:Հայո՛ց բանակ, քո հարվածից այլևս թուրք-ադրբեջանական տիրապետությունը  երբեք ոտքի չի կանգնելու:

Սպասվող ճակատամարտերում քո տարած հաղթանակը ունենալու է  հսկայական աշխարհաքաղաքական նշանակություն և դասվելու է պատմության մեծագույնների շարքին:

 

 

Մենք լավ ենք ճանաչում մեր թշնամիներին:

Մենք զգոն ենք, բայց ոչ լարված:

Մենք հանգիստ ենք, բայց ոչ թմրած:

Մենք արթուն ենք և մարտական տրամադրված: 

 

Սիրում եմ քեզ  Հայո՛ց  Բանակ և շնորհավորում:

 

 

 

«Երկիր Ծիրանի» կուսակցության  նախագահ` Զարուհի Փոստանջյան

 

28 հունվարի  2019թ.

Երևան