ՏՆՏԵՍՈՒԹՅՈՒՆ

Մենք անհրաժեշտ պայման ենք ճանաչում համաշխարհային փորձի յուրացումը, տնտեսությունը բարձր տեխնոլոգիաների հիման վրա կառուցելու արվեստը: Այս համատեքստում մենք գտնում ենք, որ համաշխարհային փորձի յուրացումը պրագմատիկ և առաջադիմական մոտեցում է:

Մենք ընդունում ենք, որ Տեղեկատվական հեղափոխությունը (High Tech Revolution)  տնտեսության զարգացման առաջատար ուժն է:

Մենք հնարավոր ենք համարում, որ Հայաստանը կդառնա Բարձր Տեխնոլոգիաների տարածագոտի, որտեղ կենտրոնացված կլինեն էլեկտրոնային, համակարգչային արդյունաբերությունը, գիտահետազոտական և կրթական կենտրոններ, IT բարձրորակ մասնագետներ և վենչուրային կազմակերպություններ:

Հայաստանի կրթական օջախները` դպրոցները, քոլեջները և համալսարանները, պետք է պատրաստեն համապատասխան մասնագետներ և սնուցող աղբյուր դառնան Բարձր տեխնոլոգիաների արդյունաբերության և գիտական հետազոտությունների համար:

Մենք գտնում ենք, որ անհրաժեշտ է շարունակական ծավալուն կապիտալի ներդրում կատարել Բարձր Տեխնոլոգիաների և նորարարական գիտատեխնիկական մշակումների մեջ:

Մենք համոզված ենք, որ Բարձր Տեխնոլոգիաների և նորարարական գիտատեխնիկական մշակումների մեջ ուղեղների ու գումարի համատեղ ներդրումը հսկայածավալ առաջընթաց ապահովելու հուսալի երաշխիք է:

Ազատ շուկայական պայմաններում առաջատար է այն երկիրը, որը վաճառում է իր արտադրած ապրանքները, իսկ հումք վաճառող երկիրը մշտապես կախվածության մեջ է: Մենք բացառում ենք Հայաստանի՝ հումք վաճառող երկրի կարգավիճակը:

Մենք կարևոր ու եկամտաբեր ենք համարում.

• Ժամանցային, մշակութային, առողջապահական  զբոսաշրջությունը,
• Ինտենսիվ գյուղատնտեսությունը (պտուղ-բանջարեղենի, պահածոների, չրերի, կաթնամթերքի, մսի, թռչնի, գինու, կոնյակի և օղու արտադրությունը),
• Բժշկական ծառայությունները,  բժշկական սարքավորումների և դեղերի արտադրությունը,
• Ադամանդագործությունը և ոսկերչությունը,
• Կտորեղենի, հագուստի և կոշիկի արտադրությունը:

• Մենք անհապաղ, անհրաժեշտ և կարևոր ենք ճանաչում ազգային ռազմական արդյունաբերության ներդրումն ու զարգացումը:

• Մենք գտնում ենք, որ ազգային ռազմական արդյունաբերության ներդրումը այլընտրանք չունի: Ռազմական արդյունաբերության արտադրանքն անհրաժեշտ է և՛ մեր սեփական կարիքների, և՛ արտահանման համար: Ազգային ռազմական արդյունաբերության ներդրումն ու զարգացումը կարևոր երաշխիք է ուժեղ և արդիական բանակ ունենալու համար:

• Մենք անփոխարինելի ենք դիտում մեր ազգային շինարարական արդյունաբերության ներդրումը և զարգացումը:

• Մենք կարիք ունենք ազգային շինարարական արդյունաբերության արտադրանքի, որը պետք է ծառայի որպես հիմնական շինանյութ շինարարության համար:

• Մենք կարիք ունենք Հայաստանի քաղաքների, գյուղերի և ճանապարհների կառուցման ու վերակառուցման: Շինարարությունը մեր ազգային տնտեսության կարևոր բաղադրիչն է:

• Մենք քաջալերում ենք վերականգնվող էներգիայի աղբյուրների վրա  հիմնված արտադրությունը և խրախուսում հանածո վառելիքի փոխարինումը այլընտրանքային, վերականգնողական էներգիայի աղբյուրներով:

• Մենք քաջալերում և կարևորում ենք Հայաստանի՝ տարանցիկ պետության կարգավիճակը.

• Մետաքսի ճանապարհ,
• Պարսից ծոցից դեպի Եվրոպա՝ նավթատարի, գազամուղի և երկաթգծի ճանապարհ:

ԿԻՍՎԵԼ ՆՅՈՒԹՈՎ՝