ՄՇԱԿՈՒՅԹ

Հայոց ազգային մշակույթի տարածումը և նրա փոխանցումն ապագա սերունդներին  ազգային ռազմավարական նշանակության կարևորագույն հարց է:

Հանրային հարաբերություններում և հանրային հավաքական ընկալման ու ինքնության դրսևորման համար անհրաժեշտ պայման է ազգային մշակութային  զարգացման հայեցակարգի ընդունումը:

Հայագիտության հիման վրա  հայկական և՛ նյութական և՛ ոչ նյութական ժառանգությունից օգտվելը մեծ հնարավորություններ է ընձեռում ստեղծագործ յուրաքանչյուր մտքի համար:

Մենք անհրաժեշտ ենք համարում գույքագրել և ստեղծել մշակութային-տեղեկատվական շտեմարան, որը կվերաբերի հայկական նյութական և ոչ նյութական մշակույթին (լեզու, կրոն, բանահյուսություն, հայոց գրեր, հայկական տպագրություն, գրականություն, ճարտարապետություն, նկարչություն, քանդակագործություն, երաժշտություն, պարարվեստ, մանրանկարչություն, գորգագործություն, թատրոն, կինո, պատմագրություն և այլն):

Մենք կարևորում ենք հայոց մշակույթի միջոցով ինքնաճանաչման և ինքնագնահատանքի  հասնելը:

Մենք կարևորում ենք հայոց մշակույթի լուսաբանումը, քարոզչությունը և տարածումը:

Մենք կարևորում ենք հանրակրթական ու համալսարանական հաստատություններում կրթական ծրագրերի միջոցով հայագիտության և հայրենաճանաչողության խթանումը:

Մենք համաշխարհային մշակույթի մաս ենք կազմում և այն մեր ազգային մշակույթի հետ միասին մեր համար անանց արժեք է:

ԿԻՍՎԵԼ ՆՅՈՒԹՈՎ՝