Մենք ցանկանում ենք ունենալ իրավահավասարության սկզբունքի հիման վրա գործող հարաբերություններ բոլոր երկրների հետ:

 

ԱՐՏԱՔԻՆ ՀԱՐԱԲԵՐՈՒԹՅՈՒՆՆԵՐ

 

 

 

 

«Մենք ցանկանում ենք ունենալ իրավահավասարության սկզբունքի հիման վրա գործող հարաբերություններ բոլոր երկրների հետ»:

Նպատակ ունենալով գտնել համագործակցության ընդհանուր եզրեր աշխարհի քաղաքակիրթ պետությունների հետ, գիտակցելով, որ ոչ բոլոր հարցերում կան մեր տեսակետների համընկնում՝ մենք վճռականորեն առաջ ենք մղելու մեր շահերից բխող քաղաքականություն և ժամանակի ընթացքում ընդլայնելու ենք մեր դաշնակիցների շրջանակները:

 

Արդի հայկական պետականությունը պետք է դառնա աշխարհաքաղաքական և տարածաշրջանային գործընթացներին լիարժեք մասնակցող երկիր, որն ունի իր ուրույն ազգային շահերը:  Այսպիսի մասնակցությունը ենթադրում է արձագանք և ներգրավվածություն տեղի ունեցող համաշխարհային գործընթացներին:

 

Մենք գտնում ենք, որ արտաքին քաղաքականության իրականացումը պետք է ներառի համահայկական, տարածաշրջանային և միջազգային հարթությունները:

 

Մենք գերակա ենք ճանաչում եվրոպական ինտեգրումը` Եվրոպական Միության հետ համապարփակ քաղաքական և տնտեսական գործընկերության հաստատումը:

 

Մենք գերակա ենք ճանաչում Ռուսաստանի հետ հարաբերությունների հաստատումը փոխշահավետության, իրավահավասարության, միմյանց շահերի փոխադարձ հարգման սկզբունքների հիման վրա:

 

Մենք գերակա ենք ճանաչում Ամերիկայի Միացյալ Նահանգների (ԱՄՆ) հետ հարաբերությունների հաստատումը փոխշահավետության, իրավահավասարության, միմյանց շահերի փոխադարձ հարգման սկզբունքների հիման վրա:

 

Մենք գերակա ենք ճանաչում Իրանի, Ռուսաստանի, Չինաստանի և ԱՄՆ-ի հետ ռազմաքաղաքական ու ռազմատեխնիկական երկկողմ հարաբերությունների հաստատումը, որը տարանջատված է այլ ռազմաքաղաքական միավորներից:

 

Մենք գերակա ենք ճանաչում Չինաստանի, Իրանի և Վրաստանի հետ տնտեսական այնպիսի հարաբերությունների հաստատումը, որի շնորհիվ Հայաստանը կդառնա տարանցիկ պետություն (Մետաքսի ճանապարհ, երկաթգիծ, գազամուղ, նավթատար և այլն):

 

Մենք գերակա ենք ճանաչում Վրաստանի հետ ռազմավարական, գործընկերային հարաբերությունների հաստատումը` դրանք դիտարկելով իբրև Եվրոպայի և Ռուսաստանի հետ հաղորդակցության կարևոր հանգույց:

 

Մենք նախընտրում ենք Թուրքիայի ու Ադրբեջանի հետ հարաբերություններում առաջնորդվել բացառապես հայկական պետականության ինքնիշխանության ու ազգային շահերի պաշտպանության և ապագաղութացման իրավունքի կենսակոչման սկզբունքներով:

 

 

ԿԻՍՎԵԼ ՆՅՈՒԹՈՎ՝