ԱԶԳԱՅԻՆ ԱՆՎՏԱՆԳՈՒԹՅՈՒՆ

 

 

 

Հայկական պաշտպանական անվտանգությունն ընդարձակ, բազմաշերտ և բազմաբովանդակ հասկացություն է: Այն ներառում է ժողովրդավարական, տնտեսական, տեղեկատվական, ռազմական, աշխարհասփյուռ հայության կազմակերպական, ժողովրդագրական և այլ գործոններ։

 

Մեր ազգային անվտանգության սպառնալիքները կրում են և՛ ներքին, և՛  արտաքին բնույթ:

 

Ազգային անվտանգության սպառնալիքներն են.

 

• Ավտորիտար` բռնակալական համակարգը, քաղաքական մենաշնորհը,

 

• Քաղաքականությամբ զբաղվելու հատվածականությունը,

 

• Իրավունքի գերակայության և սոցիալական արդարության բացակայությունը,

 

• Անվտանգության ու իրավապահ մարմինների օգտագործումն՝ ի շահ բռնակալական՝  ավտորիտար համակարգի, 

 

• Անդրսահմանային հայ ազգի՝ որպես հայկական ազգային մեկ քաղաքական միավորի, չկազմակերպված լինելը,

 

• Ազգային ժողովրդագրական վիճակի վատթարացումը,

 

• Տնտեսական խոշոր մենաշնորհները, ոչ գիտելիքահեն և հումքային տնտեսությունը,

 

• Էներգետիկ կախվածությունը, որը բխում է էներգետիկ համակարգի դիվերսիֆիկացման բացակայությունից, արտաքին քաղաքականության մեջ կրավորականությունն ու անտարբերությունը, իսկ որոշ դեպքերում կցորդի կարգավիճակ որդեգրելը,

 

• Ադրբեջանի կողմից զինված ուժերի կիրառումը,

 

• Ադրբեջանի կողմից դաշտային Արցախի և Նախիջևանի բռնազավթումը,

 

• Ադրբեջանին ռազմական տեխնիկայի մատակարարումը,

 

•  Թուրքիայի կողմից հայրենի բնօրրանի բռնազավթումը,

 

• Հայ-թուրքական փաստացի սահմանը միակողմանիորեն փակ պահելը,

 

• Թուրքիայի հովանավորչությունը Ադրբեջանին,

 

• Եվրոպական Միության հետ սահմանափակ և անբավարար տնտեսական և քաղաքական հարաբերությունները,

 

• Ազգային ռազմական արդյունաբերության բացակայությունը,

 

• Ազգային զինված ուժերի անբավարար ֆինանսավորումը:

 

Հայկական պետականության կառավարման համակարգը, որը պետք է ձևավորվի աշխարհասփյուռ հայության կողմից, և որի իրավազորությունը (մինչև հայկական բնօրրանի տարածքային ամբողջականության վերականգնումը) կտարածվի ներկայիս հայկական պետականության 42 հազար քառակուսի կիլոմետր  տարածքի վրա, պետք է գործի արդյունավետ, կրի ժողովրդավարական բնույթ և գործի ժողովրդավար վարչական ղեկավարման չափանիշներին համապատասխան:

 

Մենք համոզված ենք, որ չի կարող լինել արդյունավետ ազգային անվտանգություն՝

 

• Առանց հայ ազգի երկու հատվածների` (և´ հայկական պետականության ներքո ապրող, և´ անդրսահմանային հայության) գործուն քաղաքական ներգրավվածության,
• Առանց քաղաքական և տնտեսական ազատությունների,
• Առանց ազգային մարտունակ զինված ուժերի,
• Առանց սեփական գործուն ներգրավվածության,
• Առանց ազգային շահի հիման վրա արտաքին քաղաքականության:

 

 

ԿԻՍՎԵԼ ՆՅՈՒԹՈՎ՝